Ինձ համար շատ տարակուսելի է, որ պարոն Կարապետյանն աշխարհասփյուռ հայությանը դիմել է ռուսերենով, լրագրողների հետ զրույցում անդրադառնալով Պաշտպանության նախկին նախարար Արշակ Կարապետյանի հայտարարություններին՝ ասաց «Քաղաքացիական պայմանագիր» խմբակցության պատգամավոր Արման Եղոյանը։
Լրագրողները պատգամավորին հուշեցին, որ նաև հայերեն տարբերակով է եղել ուղերձը։
«Շատ լավ է։ Այդտեղ մեկնաբանելու բան չկա։ Դուք լուրջ ակնկալու եք, որ այդ հարցին ես պետք է պատասխանե՞մ։ Դուք այդքան աղբյուրներ ունեք, կարող եք ժամանակագրությունը նայել։ Ե՞ս պետք է ասեմ, թե ում հրամանով ինչ է եղել», - ասաց նա։
Անդրադառնալով Կարապետյանի այն մեղադրանքին, թե ՀՀ իշխանություններն են Ադրբեջանին դիմել, որպեսզի գերեվարեն Ռուբեն Վարդանյանին, պատգամավորը նշեց, որ դա ուղղակի ցնդաբանություն է, ամոթ է։
