Հուլիս ամսվա ընթացքում հանրապետության ողջ տարածքում օդի ամսեկան միջին ջերմաստիճանը նորմայից բարձր կլինի 2-ից 3 աստիճանով՝ պայմանավորված տաք հոսանքների ներթափանցմամբ: Արարատյան դաշտում, Երևանում և հովտային տարածքներում առանձին օրերին օդի ջերմաստիճանը կհասնի +40, +41 աստիճանի:
Այս մասին այսօր հրավիրված ասուլիսի ընթացքում ասաց ՀՀ ՇՄ Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը:
Ըստ Սուրենյանի՝ ի տարբերություն հունիսի, հուլիս ամսվա ընթացքում Հայաստան կներթափանցեն նաև սառը օդային հոսանքները: Ժամանակ առ ժամանակ կգրանցվեն ամպրոպի տեսքով կարճատև անձրևային տեղումներ:
«Շոգ եղանակը երբեմն կընդհատվի Սև ծովից եկող սառը հոսանքների հետևանքով: Հունիս ամսվա ընթացքում տեղումներ գրեթե չեն եղել, որոշ տեղերում ընդհանրպես չեն եղել: Հիմա կանխատեսվում է տեղումներ նորմայի սահամններում: Մենք ասում ենք՝ նորմայի սահմաններում, բայց թող տպավորություն չստեղծվի, դրանք լինելու են բավարար չափով: Օրինակ՝ Երևանում և Արարատյան դաշտում տեղումների նորմայի քանակը 9-ից 10 միլիմետր է, ու մեկ անձևը դա կարող է լրացնել»,- ասաց նա:
Առաջիկա օրերին՝ հուլիսի 3-ին և 4-ին, ըստ Սուրենյանի Իրաքից Հայաստան կներթափանցեն տաք օդային հոսանքները և ջերմաստիճանը կբարձրանա 4ից 5 աստիճանով: Արարատյան դաշտում, Երևանում և Սյունիքի հովտային գոտիներում օդի ջերմային ֆոնը կլինի +40, +41 ջերմաստիճան: Հուլիսի 6-ից սկսկած տաք օդի ալիքները կփոխեն իրենց ուղղությունը և հոլիսի 6-ից 7-ը Հայաստանում կգրանցվի ջերմաստիճանի նվազում՝ 5-ից 4 աստիճանով:
Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը գյուղատնմտեսությամբ զբաղվող մարդկանց խորհուրդ տվեց հետևեն, որպեսզի բույսերը տաք ջերմաստիճանի հետևանքով չջրազրկվեն. «Օդի հարաբերական խոնավությունը շատ ցածր է, և օդի ջերմաստիճանը շատ բարձ, այս դեպքում բույսերի ոռոգումը շատ կարևոր է»,- ասաց նա: