Ինչպես հայտնում են Ուկրաինայի կրթության և գիտության նախարարությունից, Հայաստանի Հանրապետության վարչապետի տիկին Աննա Հակոբյանն այցելել է Կրթության և գիտության նախարարություն և մարդասիրական օգնություն է նվիրաբերել առցանց ուսուցման համար՝ ավելի քան 1000 սմարթֆոն, պլանշետ և նոութբուք դպրոցականների համար։

Առաջին տիկնոջ հետ հանդիպմանը ներկա էր Ուկրաինայի հայ երիտասարդների միության նախագահ Արման Հակոբյանը, ով հայ երիտասարդության անունից և Ուկրաինայի հայերի միության կենտրոնակայանի անունից շնորհակալություն հայտնեց ՀՀ վարչապետի տիկնոջը։