ՀՀ կառավարությունը Տեղ համայնքին նոր «Մազ» բեռնատար ավտոմեքենա է տրամադրել։ Այս մասին հայտնում է Սյունիքի մարզպետարանը: 

Համայնքի ղեկավար Ներսես Շադունցը խնդիրը ներկայացրել էր կառավարության կողմից ստեղծված՝ Սյունիքի հարցերով միջգերատեսչական հանձնաժողովին, քանի որ պատերազմի ընթացքում համայնքը տեխնիկական կորուստներ ևս ունեցել էր. կարևոր նշանակություն ունեցող բեռնատար ու այլ մեքենաներ էին այրվել։

Նշվում է, որ խնդիրը լուծում ստացավ, և 20 տոննա տարողությամբ «Մազն» արդեն համայնքում է։