Հոկտեմբերի 12-ին, ՀՀ ազգային հերոս, «Հայրենիք» շքանշանի ասպետ, գնդապետ Վահագն Ասատրյանի մահվան տարելիցի օրը Եռաբլուր զինվորական պանթեոնում անցկացվել է հիշատակի միջոցառում, որին ներկա են գտնվել ՀՀ ԶՈՒ ԳՇ պետ, գեներալ-լեյտենանտ Արտակ Դավթյանը, բարձրաստիճան սպաներ, մարտական ընկերներն ու հարազատները:
ՊՆ-ն տեղեկացնում է, որ արարողության մասնակիցները մեկ րոպե լռությամբ հարգել են Վահագն Ասատրյանի հիշատակը, ծաղիկներ խոնարհել նրա շիրիմին։ ԶՈՒ հոգևոր առաջնորդ Տեր Մովսես վարդապետ Սարգսյանն անցկացրել է հոգեհանգստի կարգ։
Վահագն Ասատրյանի մահվան տարելիցի օրվա կապակցությամբ ֆեյսբուքյան գրառում է արել նաեւ Արծրուն Հովհաննիսյանը՝ նշելով, որ Ասատրյանի զորամասը երբեք չի նախահնջել ու չի պատրվել։
«Ազգային հերոս Վահագն Ասատրյանի զորամասի ստորաբաժանումները, ողջ պատերազմի ընթացքում մարտնչելով բոլոր ճակատներում, կատարել են ամենատարբեր, անգամ իրենց համար ոչ բնորոշ մարտական խնդիրներ, սակայն երբեք չեն պարտվել ոչ մի մարտում։ Չեն պարտվել ու չեն նահանջել՝ բախվելով մի քանի պետության ԶՈւ-երի գերազանցող ուժերին»,- գրել է Հովհաննիսյանը։
