Նոյեմբերի 6-ից 10-ը Ատտիկայի Նեա Պերամոս շրջանում Հայաստանի, Հունաստանի և Կիպրոսի հատուկ նշանակության ուժերը եռակողմ համատեղ զորավարժություններ են անցկացրել:
Այս մասին հայտնել է Հունաստանի ազգային պաշտպանության գլխավոր շտաբը:
«Համատեղ վարժանքը, որը մտնում է Հունաստանի, Կիպրոսի և Հայաստանի միջև 2023 թվականի համատեղ գործողությունների ծրագրի մեջ, նպաստել է մասնակիցների միջև փոխըմբռնման և գիտելիքների և փորձի փոխանակման մակարդակի բարձրացմանը, ինչպես նաև նրանց գործառնական հնարավորությունների ամրապնդմանը» - ասված է գերատեսչության նհաղորդագրության մեջ:
Զորավարժությունների ընթացքում իրականացվել են արագ արձագանքման ուղիղ կրակահերթեր, կիրառվել են դիպուկահար կրակոցների, փակ տարածքներում մարտերի, փոքրածավալ վարժանքների պլանավորում և անցկացման տեխնիկա և մարտավարություն։