ՄԱԿ-ի գլխավոր քարտուղար Անտոնիո Գուտերեշը ողջունում է Հայաստանի և Ադրբեջանի միջև հարաբերությունների կարգավորման մտադրության մասին համատեղ հայտարարությունը և հույս ունի, որ այն կծառայի երկարատև խաղաղության ապահովման համար: Այս մասին ճեպազրույցի ժամանակ հայտարարել է համաշխարհային կազմակերպության ղեկավարի պաշտոնական ներկայացուցիչ Ստեֆան Դյուժարիկը, տեղեկացնում է ՏԱՍՍ-ը:
՛՛Գլխավոր քարտուղարը ողջունում է Հայաստանի և Ադրբեջանի համատեղ հայտարարությունը՛՛,- ասել է նա: ՛՛ՄԱԿ-ը կողմերին կոչ է անում օգտագործել այս համաձայնագիրը փոխադարձ վստահության խթանման և երկարաժամկետ խաղաղության ապահովման համար՝ ի շահ իրենց ժողովուրդների և տարածաշրջանի՛՛:
