ՀՀ վարչապետ Նիկոլ Փաշինյանը հայտարարել է, թե Բաքուն տարբեր միջոցներով տորպեդահարում է Ստեփանակերտի հետ երկխոսությունը՝ փորձելով դրա պատասխանատվությունը դնել ԼՂ վրա․ «Հայաստանի դիրքորոշումը շարունակում է մնալ նույնը՝ ԼՂ հայության իրավունքներին և անվտանգությանն առնչվող հարցերը պետք է հասցեագրվեն Բաքու-Ստեփանակերտ երկխոսության միջոցով՝ միջազգային մեխանիզմի շրջանակներում»,- ասել է նա։
Ըստ Փաշինյանի՝ այս համատեքստում կարևոր է 2020թ. նոյեմբերի 9-ի եռակողմ հայտարարության՝ փախստականների վերադարձի մասին կետի կատարումը. «Այն նախատեսում է փախստականների և ներքին տեղահանվածների վերադարձ ոչ միայն ԼՂ տարածք, այլև հարակից շրջաններ։ Սա նշանակում է, որ ոչ միայն Հադրութի, Մարտակերտի, Մարտունու մի շարք գյուղերի, այլև Գետաշենի, Մարտունաշենի, Շահումյանի և մյուս շրջանների հայերն արժանապատվորեն և անվտանգ իրենց տները վերադառնալու հնարավորություն պետք է ունենան»,- ասել է նա՝ շեշտելով, որ ՀՀ-ն հավատարիմ է խաղաղության օրակարգին։
