Գազայի հատվածից զանգվածային հրթիռակոծությունից հետո մոտ 80 մարդ է տեղափոխվել Իսրայելի հարավում գտնվող Բերշեբա քաղաքի Սորոկա հիվանդանոց:
Այս մասին գրում է Yedioth Ahronoth թերթը։
Վիրավորներից մի քանիսը ծանր վիճակում են։
Նշվում է, որ Գազայից արմատականները մի քանի ժամում ավելի քան հազար հրթիռ են արձակել Իսրայելի ուղղությամբ։
Ավելի վաղ հայտնել էինք, որ այսօր վաղ առավոտյան Իսրայելի հարավային և կենտրոնական հատվածներում հնչել էին օդային հարվածների ազդանշաններ: Թել Ավիվում հակաօդային պաշտպանության գործողություններ էին կատարվել:
Բացի այդ, Իսրայելի պաշտպանության բանակը հաղորդել էր սահմանամերձ շրջաններ զինյալների խմբավորումների ներթափանցման մասին: Ականատեսների վկայությամբ՝ որոշ բնակավայրերում փողոցային մարտեր են։