Արցախում բենզինի պահեստում պայթյունից մահացածների ընտանիքներին աջակցություն տրամադրելու հարցը քննարկվում է Երևանի քաղաքապետարանում։ Այս մասին հայտնեց Երևանի քաղաքապետի մամուլի խոսնակ Հայկ Կոստանյանը։
Կոստանյանը նշեց, որ դեռ քննարկվում է տրամադրվելիք գումարի չափն ու տրամադրման ժամկետները։
«Դեռ քննարկման փուլում են գումարի չափը եւ տրամադրման ժամկետները, առաջիկա օրերին արդեն հստակ կլինի»,- հավելեց խոսնակը։
Հիշեցնենք, որ արցախցիների բռնի տեղահանման ժամանակ Ստեփանակերտ-Ասկերան ավտոճանապարհի հարակից տարածքում՝ բենզինի պահեստում ուժեղ պայթյուն էր տեղի ունեցել, որի հետևանքով, նախնական տվյալներով 220 հոգի զոհվել էր:
