Թուրքիայի նախագահ Ռեջեփ Թայիփ Էրդողանը մտադիր է  Ադրբեջանի նախագահ Իլհամ Ալիևի հետ քննարկել Ռուսաստանի Դաշնության, Թուրքիայի, Ադրբեջանի և Հայաստանի ղեկավարների միջև Անկարայի առաջարկած հանդիպումը։

Թուրքիայի և Ադրբեջանի նախագահները կքննարկեն նաև երկկողմ հարաբերությունները, տարածաշրջանային օրակարգը, ռազմական և էներգետիկայի ոլորտներում համագործակցություն։

Այսօր Էրդողանը կայցելի Նախիջևան, որտեղ կմասնակցի Նախիջևանի արդիականացված ռազմական համալիրի բացմանը, ինչպես նաև Իգդիր-Նախիջևան գազատարի հիմքը դնելու աշխատանքներին։