ԵՄ-ն պետք է ակտիվացնի համատեղ ջանքերը՝ աջակցելու Հայաստանի և Ադրբեջանի միջև խաղաղ գործընթացին։
Այս մասին Բրյուսելում ասել է Գերմանիայի ԱԳ նախարար Անալենա Բերբոքը։
«Եվրոպական հարթակը պաշտպանում է իրական անվտանգությունը, իրական վստահությունը և իրական խաղաղությունը տարածաշրջանում»,-ասել է նա։
Հիշեցնենք, որ այսօր ԵՄ երկրների արտաքին գործերի նախարարները Բրյուսելում քննարկել են Լեռնային Ղարաբաղի շուրջ ստեղծված իրավիճակը, մասնավորապես Հայաստանի եւ Ադրբեջանի միջեւ խաղաղ բանակցությունները, ինչպես նաեւ Եվրամիության աջակցությունը Երեւանին:
