Եվրամիությունը հավելյալ 25 միլիոն եվրո մարդասիրական օգնություն կտրամադրի Գազայի բնակչությանը Իսրայելի և ՀԱՄԱՍ-ի միջև հակամարտության պատճառով։
Այս մասին հայտարարել է Եվրահանձնաժողովի (ԵՀ) ղեկավար Ուրսուլա ֆոն դեր Լայենը՝ ելույթ ունենալով եվրոպացի դեսպանների տարեկան համաժողովում:
«Եվրամիությունը կավելացնի մարդասիրական օգնությունը 25 միլիոն եվրոյով։ Այսպիսով, ԵՄ-ն ընդհանուր առմամբ 100 միլիոն եվրո կծախսի Գազայի խաղաղ բնակչությանը մարդասիրական օգնության համար»,- ասել է նա։
Ֆոն դեր Լայենի խոսքով՝ Իսրայելն իրավունք ունի պաշտպանվելու, բայց միջազգային իրավունքի և միջազգային մարդասիրական իրավունքի շրջանակներում։ Բացի այդ, ինչպես ընդգծել է ԵՀ ղեկավարը, պատմությունը ցույց է տվել, որ Գազայի շրջափակումը ոչ թե ազատում է այս տարածքը ահաբեկիչներից, այլ ոչնչացնում է բնակչության տնտեսությունն ու բարեկեցությունը։
