Եվրոպայի Խորհրդի Խորհրդարանական վեհաժողովի (ԵԽԽՎ) ամառային լիագումար նստաշրջանում Լաչինի միջանցքով ազատ եւ անվտանգ մուտքի ապահովման հարցի հրատապ քննարկում տեղի կունենա։ 

Այս մասին հայտնել է ԵԽԽՎ պատվիրակության անդամ Արուսյակ Ջուլհակյանը՝ նշելով, որ քննարկումը կլինի հունիսի 22–ին՝ հինգշաբթի օրը:

Հիշեցնենք՝ հունիսի 19-23-ին ԵԽԽՎ-ում ամառային լիագումար նստաշրջանի կարեւոր կետերից մեկը կլինի համատեղ հրատապ քննարկումը Ուկրաինայի դեմ ռուսական ագրեսիայի քաղաքական հետեւանքների, ինչպես նաեւ Փարիզում 2024 թվականի Օլիմպիական խաղերին ռուսաստանցի եւ բելառուսցի մարզիկների մասնակցության վերաբերյալ:

Վեհաժողովը նաեւ համատեղ քննարկումներ կանցկացնի միգրացիայի հարցի շուրջ եւ կքննարկի երեք զեկույց՝ միգրանտների եւ փախստականների ինտեգրման մասին։