«Արգելոցապարկային համալիր» ՊՈԱԿ-ի ենթակայության տակ գտնվող բնության հատուկ պահպանվող տարածքներում և դենդրոպարկերում կսահմանվի հսկողության խստագույն ռեժիմ: Այս մասին հայտնում են շրջակա միջավայրի նախարարությունից՝ մանրամասնելով.
զբոսաշրջային սեզոնին ընդառաջ զբոսաշրջիկների և քաղաքացիների այցելությունները հնարավորինս անվտանգ և համակարգված իրականացնելու և տարածքների վրա այցելությունների վնասակար ազդեցությունները նվազեցնելու նպատակով շրջակա միջավայրի նախարարի պաշտոնակատար Ռոմանոս Պետրոսյանը հանձնարարել է «Արգելոցապարկային համալիր» ՊՈԱԿ-ի ենթակայության տակ գտնվող բնության հատուկ պահպանվող տարածքներում և դենդրոպարկերում սահմանել հսկողության խստագույն ռեժիմ, մասնավորապես՝
Բացառել՝
- հանգստի կազմակերպման ժամանակ խարույկների կազմակերպումը,
- սննդի պատրաստման նպատակով կրակարանների (մանղալ) օգտագործումը,
- տարածքներ ապօրինի մուտքի դեպքերը,
- տարածքների աղտոտումը:
Ապահովել՝
- տարածքների պահպանության ռեժիմների պահանջները,
- կրակարանների դուրսբերումը տարածքներից,
- կանոնավոր աղբահանություն,
- կանոնակարգված մուտք և ելք։
Հետևողական լինել այցելուների վարքագծային կանոնների պահպանմանը և հրդեհային անվտանգության կանոնների ապահովմանը։
