Վարչապետ Նիկոլ Փաշինյանը կառավարության նիստում հայտարարել է, թե Հայաստանում կան բարձրագույն կրթության դիպլոմներով մարդիկ, ովքեր չեն կարող աշխատանք գտնել․
«Սա պրոբլեմ է և՛ անհատի, և՛ հասարակության, և՛ պետության համար։ Պետության համար խնդիր է, որովհետև տնտեսության զարգացման ամբողջ ներուժը պատշաճ կերպով չի լինում օգտագործել։ Մարդկանց համար խնդիր է, որովհետև իրենց օբյեկտիվ պոտենցիալը չեն կարողանում իրացնել»,- ասել է նա։
Վարչապետի խոսքով՝ կառավարությունը խնդիր է դրել էականորեն փոխել Հայաստանում բարձրագույն կրթության որակը։
Անդրադառնալով ակադեմիական քաղաքի կառուցմանը՝ վարչապետն ասել է. «Հանրապետությունում պետք է ունենանք պետության կողմից ֆինանսավորվող մինչև 8 բուհ: Հանրապետության բոլոր բուհերը, այդ թվում՝ մասնավոր ու միջազգային, պետք է տեղափոխվեն ակադեմիական քաղաք»։
