Ես համարում եմ որ Ռուբեն Վարդանյանին ձերբակալել են «5-րդ շարասյան» լրատվամիջոցները: Այս մասին այսօր լրատվամիջոցների հետ զրույցում ասել է ԼՂ «Միասնական հայրենիք» կուսակցության առաջնորդ Սամվել Բաբայանը՝ մանրամասնելով.
«Երբ որ պարոն Բաբայանը դուրս էր եկել, սկսել էիք աշխարհով մեկ թմբկահարելը, թե ոնց է անցել, նրան պետք է ձերբակալեին: Երբ որ երկու օր էս ամբողջը եփել եք, ադրբեջանցիք էլ հասկացել են, որ կարելի է և ձերբակալել, մի հատ էլ շոու անել: Ու արեցին: Մինչև իմ անցնելը, ինձանից հետո և իմ հետ 25 մարդ է անցել՝ գլխավոր դատախազ էլ, գեներալներ, շտաբի պետեր, բրիգադի հրամանատարներ էլ, ինչո՞ւ ոչ մեկին չեն ձերբակալել, ինձ էլ հետը: Հենց դուք ասիք՝ եղավ: Հետո էլ ասում եք՝ Բաբայան դու ես մեղավոր, Բաբայանն ինչ կապ ունի, չեմ հասկանում»:
Ինչպես ասել է ԼՂ «Միասնական հայրենիք» կուսակցության առաջնորդ Սամվել Բաբայանը ԼՂ նախագահ Սամվել Շահրամանյանի ստորագրած փաստաթղթի չեղարկման հնարավորություն կա:
«Իրենք որ հրաման են ստորագրել, ստորագրել են, որ մինչև հունվարի 1-ը գործում է: Միակ լեգիտիմ մարմինը ԼՂ ԱԺ-ն է, որը պետք է նայի էդ հրամանը, ուղարկի դատարան, կնայեն, թե որքանով է իրավական առումով համապատասխանում դա: Հետո արդեն պառլամենտը կորոշի իր քայլերը: Եթե չի համապատասխանում՝ կհեռացնի նախագահին, կընտրի նոր մարմին, որը կկառավարի, կփորձի ամբողջ ժողովրդին վերաբնակեցնել, կամ բանակցել»,- ասել է Բաբայանը:
Ավելի վաղ հայտնել էինք, որ Լեռնային Ղարաբաղի Հանրապետության նախագահ Սամվել Շահրամանյանը հրամանագիր էր ստորագրել 2023 թվականի սեպտեմբերի 19-ից հետո ստեղծված իրավիճակից բխող գործողությունների մասին, համաձայն որի մինչև 2024 թվականի հունվարի 1-ը լուծարվելու է գերատեսչական ենթակայության բոլոր պետական հիմնարկները և կազմակերպությունները. Լեռնային Ղարաբաղի Հանրապետությունը (Արցախ) դադարելու է գոյություն ունենալ։
Լրատվամիջոցների հետ զրույցում ԼՂ «Միասնական հայրենիք» կուսակցության առաջնորդ Սամվել Բաբայանը նաև նշել է, որ ինքն ավելի վաղ ասել էր ԼՂ իշխանություններին, որ ունակ չեն կառավարել, և պետք է հեռանան, այդ մարդիկ իրենց ամբիցիաներով երկիրը հանձնել են, դա փաստ է, չեն կարող հերքեն:
«Մարդիկ հանցագործ են և պետք է պատասխան տան (նկատի ունի Սավել Շահրամանյանին): Երկիրը թալանել, կերել են, պետք է օրենքին պատասխան տան: Հիմա Ղարաբաղ չկա, արխիվը վառած է, իրենց խելով ոչ ոք չի կարող իրենք քննի: Բաքուն մինչև պատերազմը պատրաստ է եղել իմ առաջարկներ փաթեթը քննարկելու հետ»,- ասել է Բաբայանը:
Ով է Սամվել Բաբայանին լիազորել Բաքվի հետ բանակցություններ վարել: Եվ ինչու Ադրբեջանը չի ուզում Լեռնային Ղարաբաղի խնդիրը քննարկել Հայաստանի հետ:
«Ադրբեջանը չի ուզում ՀՀ-ի հետ քննարկի իր ներսի խնդիրը: Այսինքն Ղարաբաղի խնդիրը համարում է իր ներքին խնդիրը և պատրաստ չէ քննարկել ՀՀ-ի հետ: Սա այլ հարց է: Իսկ եթե Ղարաբաղի ժողովուրդն իր ընտրած ղեկավարով բանակցում է Ադրբեջանի հետ՝ դա այլ հարց է: Արցախի սահմանադրությամբ նախագահը միակ արտաքին քաղաքականություն վարողն է, որը ինձ՝ Սամվել Բաբայանիս տվել է բանակցելու հնարավորություն և դրա մասին ես ասել եմ ժամանակին պառլամենտում Արայիկ Հարությունյանի ներկայութմաբ: Բոլորը լսել և ձայն չեն հանել: Շրջվել են Հարությունյանը, նա գլխով ասել է այո, դրանով ավարտվել է: Հիմա ի՞նչ է պատահել 5-րդ շարասյուը ինչի է էդպես գոռգոռում, հիվանդացե՞լ է»,- պատասխանել է Բաբայանը: