ԱԺ նախագահ Ալեն Սիմոնյանի առաջարկով պատգամավորները հոտնկայս մեկ րոպե լռությամբ հարգել են դեկտեմբերի 4-ին Վայոց ձորի մարզի Բարձրունու հատվածում Ադրբեջանի ԶՈՒ-ի կողմից բացված կրակի հետեւանքով զոհված զինծառայողի հիշատակը:
Խորհրդարանի նախագահ Ալեն Սիմոնյանը ներկայացրել է ԱԺ ութերորդ գումարման վեցերորդ նստաշրջանի օրակարգը: Պատգամավորները քննարկել եւ քվեարկությամբ մերժել են օրակարգում ընդգրկել Քաղաքացիական նախաձեռնության կողմից ներկայացված «ՀՀ քրեական օրենսգրքում լրացում կատարելու մասին» օրենքի նախագիծը:
Խորհրդարանը հաստատել է ԱԺ ութերորդ գումարման վեցերորդ նստաշրջանի եւ հերթական նիստերի օրակարգերը, որից հետո սկսել օրենսդրական նախաձեռնությունների քննարկումը:
Որոշ նախագծերի քննարկումը կիրականացվի հատուկ ընթացակարգով: Դրանք երկրորդ ընթերցմամբ կքննարկվեն առաջին ընթերցմամբ ընդունվելուց հետո` քսանչորս ժամվա ընթացքում:
