Այսօր Կարեն Դեմիրճյանի անվան Երևանի մետրոպոլիտենի բոլոր կայարանների դռները տևական ժամանակ փակ էին։ Մետրոպոլիտենի մամուլի քարտուղար Տաթև Խաչատրյանը հայտնել էր, որ Մետրոպոլիտենի մեքենավարներն առավոտյան ժամը 06:00-ից գործադուլ են սկսել՝պահանջելով աշխատավարձի բարձրացում։ Ակնկալելով, որ մեքենավարները րոպե առաջ կանցնեն իրենց աշխատանքային պարտականությունների բնականոն կատարմանը մետրոպոլիտենի տնօրինությունը բանակցել է աշխատանքի դուրս չեկած մեքենավարների հետ, ինչի արդյունքում մետրոպոլիտենի բնականոն աշխատանքը 09:30-ից վերականգնվել է: