Արմավիրի մարզպետ Համբարձում Մաթևոսյանը, Էջմիածնի քաղաքապետ Դիանա Գասպարյանը և քաղաքապետարանի աշխատակազմը ծաղիկներ ու ծաղկեպսակներ են խոնարհել սերբ օդաչուների հիշատակը հավերժացնող հուշակոթողին` հարգանքի տուրք մատուցելով Սպիտակի երկրաշարժի զոհերի և սերբ օդաչուների հիշատակին:
1988 թվականի դեկտեմբերի 7-ին՝ աղետալի երկրաշարժից հետո, հայ ազգին օգնության էին շտապում ամբողջ աշխարհից: Ցավոք, Էջմիածին-Արմավիր ավտոճանապարհի մոտ վթարի ենթարկվեց օգնություն բերող սերբական օդանավը, անձնակազմի բոլոր անդամները նահատակվեցին:
Վթարված ինքնաթիռի բեկորներից կանգնեցվեց հուշարձան՝ վթարի վայրում:
