Արարատի մարզպետ Գարիկ Սարգսյանը ֆեյսբուքյան իր էջում գրել է․
Ծառայողական պարտականությունները բարեխղճորեն կատարելու համար և ԱԻՆ աշխատողի օրվա առթիվ պատվոգրեր եմ հանձնել Գառնիկ Շահբազյանին, Գրիգորի Իգիթյանին, Ստեփան Մանուկյանին, Ռուդիկ Ծատուրյանին, Կարեն Սարգսյանին, Պետրոս Կարապետյանին, Արսեն Բաբագուլյանին, Գերասիմ Առաքելյանին, Արսեն Շահնազարյանին և Նարեկ Ներսիսյանին: Շնորհավորելով ԱԻՆ աշխատակիցներին՝ մասնագիտական տոնի առթիվ, նշել եմ, որ նրանց աշխատանքն անգնահատելի է, քանի որ նրանք իրենց կյանքը վտանգելով՝ օգնության են հասնում բարդ իրավիճակներում հայտնված բազմաթիվ մարդկանց: Ես ևս մեկ անգամ հաստատում եմ, որ թե՛ ես, թե՛ Արարատի մարզպետարանը, մշտապես զորավիգ ենք և պատրաստակամ՝ աջակցելու ԱԻՆ աշխատակիցներին: Շնորհավորում եմ ԱԻՆ աշխատողներին մասնագիտական տոնի առթիվ և մաղթում անփորձանք ծառայություն:
