Երևանի ավագանին կանոնակարգում է նորընտիր ավագանու առաջին նիստի անցկացումը
Այսօր Երևանի ավագանու արտահերթ նիստի օրակարգում ընդգրկված էր մեկ հարց՝ Երևան քաղաքի ավագանու 2009 թվականի հունիսի 18-ի համար 1N որոշման մեջ փոփոխություններ կատարելու մասին: Զեկուցող Երևանի քաղաքապետի տեղակալ Սուրեն Գրիգորյանը պարզաբանեց, որ հոկտեմբերի 10-ին ավագանու կողմից պետք է ընտրվի Երևան քաղաքի քաղաքապետը և գործող օրենսդրությամբ առաջին դեպքն է, որ քաղաքապետ չի նշանակվում ուժերից մեկի 50 տոկոսից ավելի ձայն ստանալու արդյունքում, ուստի կանոնակարգում բացակայում է, թե ինչպես պետք է այդ նիստը անցկացվի:
«Չնայած բաց քվեարկությանը՝ քվեարկությունը պետք է անցկացվի քվեաթերթիկներով, բայց թե ինչպես պետք է գործընթացն ապահովվի, նշված չէր»,- ասաց նա և հավելեց, որ կանոնակարգի փոփոխություններն ուղղված են հենց դրա կանոնակարգմանը:
