Քաղաքացիները փակել են Երասխ-Երևան միջպետական մայրուղու Արտաշատի հատվածը: հայտնում են Ազգային կոմիտեի Տելեգրամի ալիքում:

Ոստիկանությունը սկսել է բերման ենթարկել ակցիայի մասնակիցներին, սակայն մայրուղին շարունակում է փակ մնալ:

Գյումրիում եւ Վանաձորում նույնպես իրազեկման ակցիաներ են անցկացվել: 

Քաղաքացիները շրջել են փողոցներում, իրազեկել վաղվա հանրահավաքի մասին եւ կոչ արել անպայման մասնակցել:

Նրանք վանկարկել են՝ «Նիկոլ դավաճան, Նիկոլ մահաբեր», քաղաքացիներին կոչ արել միանալ իրենց եւ պահանջել Նիկոլ Փաշինյանի հրաժարականը, որպեսզի փրկեն Հայաստանը:

Նշենք, որ նախօրեին հանրահավաքի ժամանակ «Մայր Հայաստան» դաշինքի և Ազգային կոմիտեի անդամ Անդրանիկ Թևանյանը հայտարարեց, որ վաղը բողոքի գործողությունները կշարունակվեն, իսկ կիրակի օրը 18։00-ին՝ կրկին հանրահավաք տեղի կունենա, որտեղ կամփոփվեն արված քայլերը, կներկայացվեն հետագա գործողությունները:

Հիշեցնենք՝ ՀՀ առաջին վարչապետ Վազգեն Մանուկյանը երեկ հայտարարեց, որ սեպտեմբերի 22-ից առավոտից զանգվածային անհնազանդության ակցիաներ են անցկացվելու։ Համաժողովրդական շարժումը համակարգելու համար սկսել են ազգային կոմիտե ձևավորել։ Այն պետք է 11 հոգուց կազմված լինի, այս պահին դեռ 5 հոգու կազմն է հայտնի` Հայկ Մամիջանյան, Ավետիք Չալաբյան, Անդրանիկ Թևանյան, Իշխան Սաղաթելյան։