ԱՄՆ պետքարտուղարության գլխավոր փոխխոսնակ Վեդանտ Պատելը ճեպազրույցի ժամանակ անդրադարձել է ԱՄՆ Կովկասյան բանակցությունների հարցերով ավագ խորհրդական, ԵԱՀԿ Մինսկի խմբի ամերիկացի համանախագահ Լուիս Բոնոյի՝ տարածաշրջան այցելելու վերաբերյալ հարցին:
«Ներգրավվելով այս խնդիրների կարգավորման մեջ՝ այն, ինչ մենք առաջնային ենք համարում, ցանկությունը և հույսն է՝ տեսնել այս երկու երկրների միջև խաղաղություն, ինչպես նաև կայուն խաղաղություն Հարավային Կովկասում»,- նշել է Պատելը:
Հիշեցնենք, որ նախօրեին Բոնոյին Հայաստանում ընդունել են փոխվարչապետ Մհեր Գրիգորյանը և ԱԽ քարտուղար Արմեն Գրիգորյանը: Բոնոն այնուհետև մեկնել է Ադրբեջան:
