Արտակարգ իրավիճակների նախարար Անդրանիկ Փիլոյանն ու Շիրակի մարզպետ Հովհաննես Հարությունյանն այսօր հանդիպել են Շիրակի մարզային փրկարարական վարչության պատասխանատուների հետ։ Նրանք ծանոթացել են ԱՄՆ կառավարության ֆինանսավորմամբ կառուցվող Շիրակի մարզի 3 հրշեջ-փրկարարական կայանների ընթացող աշխատանքներին Գյումրիում, Ախուրյանում և Աշոցքում։
Այս մասին տեղեկացնում է Շիրակի մարզպետարանը: Շինարարական աշխատանքները շուտով կավարտվեն։ Նոր կայանների գործունեությունը կնպաստի հրշեջ ծառայությունների և արտակարգ իրավիճակների արձագանքման հնարավորությունների բարձրացմանը։
Հումանիտար շինարարական աջակցությունն իրականացնում է ԱՄՆ զինված ուժերի ինժեներների կորպուսը, որը համակարգում է ՀՀ-ում ԱՄՆ դեսպանությունը:
