Ինչպես արդեն տեղեկացրել ենք՝ այսօր՝ ժամը 08:40-ի սահմաններում, Ադրբեջանի սահմանապահ ծառայության մի խումբ զինծառայողներ Հակարիի կամրջի ուղղությամբ առաջխաղացման փորձ էին կատարել ՀՀ տարածքում դրոշ տեղադրել։ Այս մասին հայտնել էր ՀՀ ԱԱԾ սահմանապահ ծառայությունը և հավելել, որ հայկական կողմի ձեռնարկած միջոցների արդյունքում ադրբեջանցի զինծառայողների առաջխաղացման և ՀՀ տարածքում դրոշ տեղադրելու փորձը կանխվել է:
Քիչ առաջ @bagramyan26 տելեգրամ ալիքը նոր տեղեկություն հաղորդեց, որ դրանից հետո ադրբեջանցիները ռուսների միջնորդությամբ իրենց դրոշն են տեղադրել ՀՀ տարածքում։ Ռուս սահմանապահները իրենց զրահափոխադրիչներով պատնեշ են տեղադրել, որից հետո ադրբեջանցիները բարձրացրել են իրենց դրոշը։ Տեղեկությունը հաստատում են նաև «Հայկական ժամանակ»-ից և Araratnews-ից:
