Դեկտեմբերի 13-ին ԱԺ հերթական նիստերին հաջորդող ճեպազրույցների ընթացքում ՀՀ ԱԺ «Քաղաքացիական պայմանագիր» խմբակցության պատգամավոր Արուսյակ Ջուլհակյանը նշել է, որ խորհրդարանական ընդդիմությունը հրաժարվելով ԱԺ պատվիրակությունների կազմում միջազգային կառույցներում աշխատանքից՝ դրանով իսկ այլեւս չի սպասարկում ՀՀ պետական շահը:
«Ընդդիմությունն իր այս պահվածքով լքել է «արտաքին ճակատի խրամատը»»,- ասել է ԱԺ պատգամավորը: Նա նաեւ փաստել է, որ ընդդիմադիր գործընկերները չեն մասնակցել գերիների հարցով իրենց իսկ նախաձեռնության քննարկմանը: Արուսյակ Ջուլհակյանի հավաստմամբ՝ ԱԺ «Հայաստան» խմբակցությունը գերիների խնդիրը վերածել է ներքաղաքական հարցի:
