Ռուսաստանի փոխարտգործնախարար Անդրեյ Ռուդենկոն եւ նրա թուրք գործընկեր Սեդաթ Օնալը քննարկել են «3+3» մեխանիզմի գործարկման հարցը։
ՌԴ ԱԳՆ-ը տեղեկացնում է, որ «Բաքվի եւ Երեւանի միջեւ հարաբերությունների կարգավորման համատեքստում նշվել է Ռուսաստանի, Ադրբեջանի եւ Հայաստանի ղեկավարների 2020 թվականի նոյեմբերի 9-ի եւ 2021 թվականի հունվարի 11-ի եռակողմ պայմանավորվածությունների հետեւողական կատարման կարեւորությունը։ Ընդգծվել է առաջիկայում Հարավային Կովկասի տարածաշրջանային «3+3» «(Ադրբեջան, Հայաստան, Վրաստան գումարած Ռուսաստան, Թուրքիա, Իրան)» խորհրդատվական մեխանիզմի գործարկման հրատապությունը։