Շրջակա միջավայրի նախարարի պաշտոնակատար, «Քաղաքացիական պայմանագիր» կուսակցության վարչության անդամ Ռոմանոս Պետրոսյանը լրագրողների հետ զրույցում անդրադարձել է ԱԺ արտահերթ ընտրություններին:
Ըստ նրա՝ ընտրությունների հաջորդ օրն իսկ ՌԴ-ից, ԱՄՆ-ից ու Եվրոպայից հնչել են գնահատականներ, որոնցում կարմիր թելով անցել է միտքը, որ նրանք հայ ժողովրդին են շնորհավորել նման ընտրություններ անցկացնելու համար և բոլոր քաղաքական ուժերին կոչ արել ընդունել ընտրությունների արդյունքները:
«Սա կարևորագույն գնահատական է»,- ասաց շրջակա միջավայրի նախարարի պաշտոնակատարը:
Նրա խոսքով՝ ընտրությունների արդյունքների վրա էական ազդեցություն ունեցած դեպքերի մասին այլևս չի խոսվում:
«Նոնսենսը նաև նրանում է, որ երբևէ քաղաքագիտական մտքի պատմության մեջ դեպք չի եղել, որ իշխանությունը վախենա, որ ընդդիմությունը կարող է փող բաժանել, կարող է կեղծիքների գնալ, որովհետև այդ մեխանիզմները, այդ ինստիտուտներն իրենց կառավարման օրոք են թրծվել, կայացել ու կատարելագործվել»,- նշեց Ռոմանոս Պետրոսյանը:
