ՀՀ ԱԺ նախագահի տեղակալ Իշխան Սաղաթելյանը հոկտեմբերի 15-ին ընդունել է Արցախի Հանրապետության Ազգային ժողովի «Արցախի ժողովրդավարական կուսակցություն» խմբակցության ղեկավար Դավիթ Մելքումյանին, «Արդարություն» խմբակցության ղեկավար Դավիթ Գալստյանին եւ «Հայ հեղափոխական դաշնակցություն» խմբակցության ղեկավար Արթուր Մոսիյանին:
Կողմերը քննարկել են Արցախի Հանրապետության կարգավիճակի, Արցախում ստեղծված կացության եւ խնդիրների կարգավորման վերաբերյալ հարցեր: Երկուստեք կարեւորվել է Հայաստան-Արցախ միջխորհրդարանական հանձնաժողովի ձեւավորման անհրաժեշտությունը եւ հայկական երկու պետությունների խորհրդարանների միջեւ սերտ եւ բարձր մակարդակի համագործակցության ապահովումը:
