Երեկ «Իրազեկ քաղաքացիների միավորում» ՀԿ Ծրագրերի համակարգող Դանիել Իոաննիսյանը հանդիպում է ունեցել ՀՀ նախագահ Արմեն Սարգսյանի հետ: Այս մասին նա հայտնել է ֆեյսբուքյան իր էջում.
"Կոնստրուկտիվ քննարկումներ ունեցանք դատական, ընտրական և սահմանադրական բարեփոխումների շուրջ: Նախագահին ներկայացրեցի մեր դիրքորոշումներն Ընտրական օրենսգրքի փոփոխությունների և, մասնավորապես, «ռեյտինգային» ընտրակարգից հրաժարվելու վերաբերյալ, ինչպես նաև սահմանադրական բարեփոխումների շրջանակում դատական ու նախագահական ինստիտուտների վերափոխման պատկերացումներս: Խոսակցության ընթացքում անդրադարձ եղավ նաև Հայաստանում գիտության դերին ու դրա կարևորության գնահատմանը":