Այսօր առավոտվանից Վրաստանի վարչապետ Իրակլի Ղարիբաշվիլիի հայտարարությունից հետո լարված իրավիճակ է խորհրդարանի մուտքերի դիմաց:
Ոստիկանությունը սկզբում արգելում էր ընդդիմադիր պատգամավորներին և լրատվամիջոցների ներկայացուցիչներին մուտք գործել խորհրդարան:
Ավելի ուշ վերջիններիս հաջողվեց մտնել նիստերի դահլիճ:
Ընդդիմադիր պատգամավորները գրավեցին խորհրդարանի նախագահի աթոռը և հայտարարեցին, որ թույլ չեն տալու խորհրդարանը շարունակի աշխատանքը, քանի դեռ վարչապետը հրաժարական չի տվել:
Այս ամենից հետո սկսվեցին բախումներ իշխող և ընդդիմադիր կուսակցությունների անդամների միջև, որը վերածվեց ծեծկռտուքի, հարվածներ են ստացել նաև լրատվամիջոցների ներկայացուցիչները:
Նշենք, որ կառավարության այսօրվա նիստում Վրաստանի վարչապետ Իրակլի Ղարիբաշվիլին անդրադարձել էր երեկ Թբիլիսիում անցկացված բողոքի ցույցերին, որոնց ընթացքում ցուցարարները պահանջում էին վարչապետի հրաժարականը: Նա հայտարարել է, որ չի պատրաստվում հրաժարական տալ, իսկ երկրում տեղի ունեցող անկարգությունների մեղավորը Վրաստանի նախկին վարչապետ Միխայիլ Սահակաշվիլին է ու նրա աջակիցները: