«Միջազգային օպերային մրցանակաբաշխության» 2019 թվականի «Լավագույն երգչուհի» անվանակարգում հաղթող ճանաչված աշխարհահռչակ լիտվահայ օպերային երգչուհի Հասմիկ Գրիգորյանն իր Սալոմե հանրահայտ ձայնագրությամբ դասական երաժշտության Gramophone ամսագրում առաջադրվել է 2020 թվականի լավագույն օպերային կատարում անվանակարգում։ Այս մասին հայտնում են Լիտվայում ՀՀ դեսպանությունից:
Հասմիկ Գրիգորյանը երկու հանրահայտ օպերային երգիչների՝ Գեղամ Գրիգորյանի և Իռենա Միլկյավիչույտեի դուստրն է: Նրա երգացանկում ներառված են ռուսական, իտալական, ֆրանսիական, գերմանական, օպերաներից արիաներ: