Թուրքիայի պաշտպանության նախարարությունն իր թվիթերի էջում հայտնել է,  որ հանդիպել են Թուրքիայի, Ադրբեջանի և Վրաստանի ռազմական բլոկների ներկայացուցիչները։

Հանդիպումը կայացել է Թուրքիայի զինված ուժերի առաջին բանակային կորպուսի հրամանատարության շտաբ-ռազմակայանում:

Նշվում է, որ Վրաստան, Ադրբեջանն ու Թուրքիան միասին համատեղ զորավարժություն են պլանավորում,  հիշյալ հանդիպումն էլ հոկտեմբերի 17-ից 28-ը նախատեսված համատեղ զորավարժությունների կազմակերպման առաջին պլանային հանդիպումն է եղել:

Համատեղ այդ զորավարժություններն անցկացվելու են «Հավերժություն-2022» խորագրի ներքո։