Արարատի մարզի Վեդի քաղաքում տեղի ունեցած միջադեպի մասնակիցները եղել են Թուրքիայի քաղաքացիներ: «Արմենպրես»-ի հետ զրույցում այս մասին հայտնեց ՀՀ քննչական կոմիտեի մամուլի քարտուղար Վարդան Թադևոսյանը:
«Թուրքիայի քաղաքացիներ են, ամուսիններ»,-ասաց Թադևոսյանը: Քննչական կոմիտեն ոստիկանությունից ստացված գործը վարույթ է ընդունել:
ՀՀ ոստիկանության պետի տեղակալ Արա Ֆիդանյանը մանրամասներ է ներկայացրել Մասիսի համայնքապետարան զինված տղամարդու ներխուժման դեպքի վերաբերյալ: Կառավարության նիստից հետո լրագրողների հետ ճեպազրույցում, անդրադառնալով հարցին, թե ինչո՞ւ է ոստիկանությունը միանգամից հայտարարել, որ տղամարդը ինքնասպան է եղել, Ֆիդանյանն ասաց. «Որոշակի ժամանակ այնտեղ ոստիկանության կողմից իրականացվել են հատուկ գործողություններ՝ փորձելով բանակցությունների միջոցով հասնել այն բանին, որ տվյալ անձը կամավոր դուրս գա և ներկայանա ոստիկանություն: Իսկ, թե ինչու միանգամից հայտարարեցինք, որ ինքնասպանություն է տեղի ունեցել, որովհետև այդ ընթացքում ոստիկանությունը որևէ հատուկ գործողություն, որ ուղղված կլիներ շենքի վրա հարձակման, չի իրականացրել, շենքում այլ անձ այդ պահին չի եղել»:
Կա հարուցված քրեական վարույթ: Նա վստահեցրեց, որ բոլոր փորձաքննությունների արդյունքներն առավել մանրամասն կներկայացնեն:
Ավելի վաղ մամուլում և սոցցանցերում տարածվել էին լուրեր և տեսանյութ, թե թուրքերը փորձել են խրախճանք կազմակերպել Վեդիում, վիրավորական արտահայտություններ են հնչեցրել հայերի հասցեին, ինչից հետո նրանց և բնակիչների միջև միջադեպ է գրանցվել:
ՀՀ կառավարության նիստից հետո լրագրողների հետ զրույցում միջադեպին անդրադարձել էր նաև ՀՀ ոստիկանության պետի տեղակալ Արա Ֆիդանյանը՝ նշելով, որ ոստիկանությունը միջադեպի մասին ահազանգ է ստացել, իրականացրել է գործողություններ, իրականացվում է միջադեպի մասնակիցների նույնականացում:
