«ՀՀ-ն իր ողջ կարողություններն օգտագործում է, որպեսզի Լաչինի միջանցքը վերադառնա իր բնականոն հունին, այսինքն՝ աշխատի նոյեմբերի 9-ի հայտարարության համաձայն»,- հայտարարել է ՀՀ ԱԽ քարտուղար Արմեն Գրիգորյանը՝ ԱԺ-ում լրագրողների հետ ճեպազրույցի ժամանակ։
Նրա խոսքով՝ Հայաստանն աշխատում է միջազգային հանրության հետ։ Գրիգորյանը նաև նշել է, որ Լաչինի միջանցքի շուրջ ստեղծված իրավիճակը ՄԱԿ ԱԽ նիստում է քննարկվել, և եղել են հասցեական կոչեր։
ԱԽ քարտուղարը վստահեցրել է, որ Հայաստանը շարունակում է ջանքեր գործադրել տարածաշրջանում խաղաղություն հաստատելու ուղղությամբ. «Ստեղծված ճգնաժամը ևս մեկ անգամ ցույց է տալիս Ադրբեջանի ապակառուցողական դերը տարածաշրջանում, երբ խաղաղության բանակցություններ են ընթանում, և Լաչինի միջանցքը փակում է»։
