Հայաստանում ԱՄՆ դեսպանատունն իր խորին ցավակցությունն է հայտնում օգոստոսի 14-ին Սուրմալու առևտրի կենտրոնում տեղի ունեցած պայթյունի հետևանքով զոհվածների հարազատներին ու շուտափույթ ապաքինում է մաղթում բոլոր վիրավորներին։
«Արտակարգ իրավիճակների նախարարության և իրավիճակին արագ արձագանքած մյուսների ջանքերն արժանի են գովասանքի»,- ասված է դեսպանատան ուղերձում։
ՀՀ-ում Չինաստանի դեսպանությունը ցավակցություն է հայտնել Երևանում պայթյունի կապակցությամբ։
«Հայաստանում Չինաստանի դեսպանությունն իր խորին ցավակցությունն է հայտնում Երևանի «Սուրմալու» առևտրի կենտրոնում պայթյունի հետևանքով զոհվածների և վիրավորների ընտանիքներին», - նշված է ցավակցական հաղորդագրության մեջ: