Դատելով վերջին իրադարձություններից, միջազգային անհավասարակշռության և անկայունության ընդհանուր աճի համատեքստում, տարածաշրջանային հակամարտությունները հակված են պարբերաբար սրվելու: Այդ սրացումների սցենարները շատ բազմազան են, ինչը պահանջում է ազգային և տարածաշրջանային անվտանգության ապահովման համար պատասխանատու ասոցիացիաների "քրտնաջան և զգույշ աշխատանք" ինչպես Ղազախստանում։ Առանձին խնդիր է շահերի համակարգումը և հարցերի լայն շրջանակի շուրջ համագործակցելու պատրաստակամությունը, քանի որ իրավիճակը կարող է ազդել ոչ բոլոր դաշնակիցների, այլ միայն մի մասի վրա։
Ղազախստանում ՀԱՊԿ-ի կայծակնային գործողությունը, որն օգնեց ինչպես կազմակերպությունից են շեշտում՝ "արագ կասեցնել այդ պետության լուրջ ապակայունացման փորձը", դարձավ մի շարք հարցերի առիթ: Ինչպե՞ս են անդամ երկրների մայրաքաղաքները տեսնում ՀԱՊԿ-ի ամենահրատապ խնդիրները, որքանո՞վ է հագեցած առաջիկա օրակարգը։ Ի՞նչ դասեր պետք է քաղել կազմակերպությունում, ինչպես նաև Եվրասիայի այլ երկրներում ստեղծված իրավիճակից: Որքանո՞վ է ՀԱՊԿ-ն ի վիճակի դառնալ անվտանգության ավելի լայն «էկոհամակարգի» առանցքը, որը կարող է ճկուն և տարբեր ձևերով արձագանքել գալիք մարտահրավերներին:
«ՀԱՊԿ-ը ռազմական օգնություն կտրամադրի Հայաստանին, եթե պետությունը դիմի կազմակերպությանը»։ Այս մասին չորեքշաբթի օրը՝ փետրվարի 9-ին, կրկին հայտարարել է ՀԱՊԿ գլխավոր քարտուղար Ստանիսլավ Զասը՝ «Հավաքական անվտանգությունը նոր դարաշրջանում. ՀԱՊԿ-ի փորձն ու հեռանկարները» «Վալդայ» ակումբում կայացած համաժողովի ժամանակ։
«Եթե նման դիմում լինի, ապա մեր բոլոր արտակարգ արձագանքման կենտրոնները, մեխանիզմները կգործարկվեն»,-ասել է նա։ Ինչպես նշել է ՌԴ փոխարտգործնախարար Ալեքսանդր Պանկինը, երբ լինի այնպիսի իրավիճակ, ինչպես դա եղավ Ղազախստանում, կարելի է նույնքան արագ արձագանքել դաշնակցի պաշտոնական կոչին։
«Հավաքական անվտանգությունը նոր դարաշրջանում. ՀԱՊԿ-ի փորձն ու հեռանկարները» համաժողովում Ստանիսլավ Զասը հայտարարել է նաև, որ Ղազախստանում խաղաղապահ գործողություններից հետո ՀԱՊԿ շրջանակներում ստեղծվել է ճգնաժամային արձագանքման աշխատանքային խումբ։
«Այո, իհարկե, մենք հիմա ստեղծել ենք աշխատանքային խումբ և ուշադիր ուսումնասիրում ենք մեր այս առաջին գործնական փորձը, մեր բոլոր գործողությունները։ Առաջին հերթին մենք փորձարկելու ենք ճգնաժամային արձագանքման համակարգը։ Մենք պետք է կարողանանք արագ և արդյունավետ օգտագործել առկա ներուժը մեր պատասխանատվության գոտու ցանկացած պայմաններում և ցանկացած կետում»,-ասել է նա։
Առավել մանրամասն՝ տեսանյութում: