ՀՀ ԱԽ քարտուղար Արմեն Գրիգորյանը մանրամասներ է ներկայացրել խաղաղության պայմանագրի շուրջ Հայաստանի ու Ադրբեջանի միջև ընթացող բանակցություններից։
Ըստ Գրիգորյանի՝ հայկական կողմն առաջարկել է ամրագրել երաշխավորների ինստիտուտի գաղափարը. «Առաջարկել ենք «գարանտորների» ինստիտուտ։ Այսինքն, միջազգային կազմակերպությունների, պետությունների կողմից խաղաղության պայմանագրի երաշխավորների ինստիտուտ ստեղծվի, որը կարողանա ապահովել այդ պայմանագրի իրականացումը։ Բացի այդ, նաև առաջարկել ենք, որ ստեղծվի միջազգային ինչ-որ դատարան դիմելու մեխանիզմ, եթե առաջանա անլուծելի ճգնաժամ»։
Հարցին՝ դա Ադրբեջանին կզսպի՞, Գրիգորյանը նշել է, թե հայկական կողմն իր փորձից ելնելով է նման առաջարկ արել։
