Նոյեմբերի 19-ի ժամը 11:00-ի դրությամբ հանրապետությունում հաստատվել է կորոնավիրուսի 799 նոր դեպք: Իրականացվել է 8148 թեստավորում, առողջացել է 1903 քաղաքացի, արձանագրվել է մահվան 29 դեպք:
Այսպիսով՝ հաստատվել է կորոնավիրուսային հիվանդության ընդհանուր 332 713 դեպք, որոնցից 301 856-ը՝ առողջացած: Փաստացի բուժում է ստանում 22 243 պացիենտ:
Ընդհանուր առմամբ, կորոնավիրուսի հետևանքով 7212 մահվան դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1402 է:
Ընդհանուր կատարվել է 2 289 360 թեստավորում:
ՀՀ առողջապահության նախարարությունը հրապարակել է Երևանի շարժական պատվաստումային խմբերի ժամանակացույցը:
Կինոթատրոն «Հայաստան»-ին հարակից այգի՝ 19.11.2021, 12։00-15։00,
Սասունցի Դավիթ արձանի մոտակա հրապարակ՝ 19.11.2021, ժամը 10։30-15։00,
Նուբարաշենի 11 փող. 6-րդ շենքի բակում գտնվող տաղավարի մոտ՝ 19.11.2021, ժամը 11։00-14։00,
Մետրոյի «Շենգավիթ» կայարանին հարակից տարածք՝ 20.11.2021, ժամը 11։00-14։00,
Գորգիսյանի անվան դպրոցին հարակից պուրակ՝ 20.11.2021, ժամը 11։00-14։00,
Դավիթաշենի այգու տարածքում՝ 20.11.2021, ժամը 11.00-15.00,
Շրջանցիկ թունելի տարածք՝ «Ձորակ» խնամքի կենտրոնի մոտ՝ 20.11.2021, ժամը 11։00-14։00:
Նոյեմբերի 18-ին կատարվել է 209 թեստավորում, որի արդյունքում Արցախում կորոնավիրուսային հիվանդության 63 նոր դեպք է գրանցվել:
Կորոնավիրուսային հիվանդությամբ այս պահին ստացիոնար բուժում է ստանում 109 վարակակիր: Բժիշկները 24 հիվանդի վիճակը գնահատում են ծայրահեղ ծանր, 49-ինը՝ ծանր, այդ թվում երիտասարդ տարիքի անձինք: Թեթև ձևերը բուժում են ստանում ամբուլատոր պայմաններում։
2021 թվականի ընթացքում կորոնավիրուսի լաբորատոր հայտնաբերման նպատակով իրականացվել է 20 999 քաղաքացու հետազոտություն, որից 3402-ի մոտ արձանագրվել է դրական թեստի պատասխան։
Արձանագրվել է 3 մահվան դեպք: 74-ամյա տղամարդը մահացել է կորոնավիրուսային հիվանդության հետևանքով, ում մոտ ախտորոշվել էր երիկամների սուր անբավարարություն, պոլիօրգան անբավարարություն:
73-ամյա տղամարդը մահացել է կորոնավիրուսային հիվանդության հետևանքով, ում մոտ ախտորոշվել էր սուր շնչական անբավարարություն, պոլիօրգան անբավարարություն:
92-ամյա տղամարդը մահացել է կորոնավիրուսային հիվանդության հետևանքով, ում մոտ ախտորոշվել էր երկկողմանի պոլիսեգմենտար թոքաբորբ, թոքերի 90% ախտահարում, սեպտիկ շոկ:
Արցախի Հանրապետության առողջապահության նախարարությունը կրկին հորդորում է հետևել ցուցումներին՝ նոր բռնկումներից խուսափելու և օր առաջ կորոնավիրուսային վարակը հաղթահարելու:
Տեղեկացնում ենք, որ անհրաժեշտ է հանրապետության բնակչությունը՝ օր առաջ պատվաստվի (COVID-19)-ի դեմ պատվաստանյութով՝ պահպանելով Ձեր և Ձեր հարազատների առողջությունը:
Կորոնավիրուսային հիվանդության (COVID-19) դեմ պատվաստումները իրականացվում է ԱՀ առողջապահության նախարարության «Հանրապետական բժշկական կենտրոն» ՓԲԸ ամբուլատոր-պոլիկլինիկական բաժանմունքում՝ մինչև ժամը 19։00, «Արևիկ» բուժմիավորումում, «Համաճարակաբանության և հիգիենայի կենտրոն» ՊՈԱԿ-ում, Ասկերանի, Մարտունու և Մարտակերտի շրջանային բուժմիավորումներում:
