Հունիսի 26-ի դրությամբ հանրապետությունում պատվաստումների թիվը 2 213 980 է: Այս մասին հայտնում են ՀՀ առողջապահության նախարարությունից:

Առաջին դեղաչափն ստացել է 1 138 181 քաղաքացի, ամբողջապես պատվաստված է 1 012 977 քաղաքացի:

Խթանիչ դեղաչափով պատվաստվել է 58 283 քաղաքացի:

Առողջապահության նախարարությունը տեղեկացնում է, որ հունիսի 20-26 ընկած ժամանակահատվածում հաստատվել է կորոնավիրուսային հիվանդության 139 նոր դեպք։

Այդ ընթացքում կատարվել է 4780 թեստավորում։ Գրանցվել է վարակից մահվան 1 նոր դեպք․ ընդհանուր առմամբ, կորոնավիրուսի հետևանքով 8626 մահվան դեպք է արձանագրվել։

Նշված ժամանակահատվածում առողջացածների թիվը՝ 62։