COVID-19 կորոնավիրուսի համավարակի սկսվելուց ի վեր ախտահարվածների թիվն աշխարհում դեկտեմբերի 9-ին Երեւանի ժամանակով ժամը 05:50-ի դրությամբ հասել Է 68 մլն 161 հազար 156-ի: Այդ մասին հաղորդել Է ԱՄՆ-ի Ջոնս Հոփքինսի համալսարանը: Նրա տվյալներով՝ ընդամենը կորոնավիրուսի հետ կապված հիվանդություններից աշխարհում մահացել Է 1 մլն 555 հազար 138 մարդ, բուժվել Է 43 մլն 889 հազար 842-ը: Հիվանդացածների եւ մահացածների թվաքանակով առաջատարը Միացյալ Նահանգներն Է, որտեղ գրանցվել Է COVID-19-ով վարակման 15 մլն 159 հազար 237 դեպք եւ 286 հազար 189 մահվան ելք, հաղորդել Է «Ինտերֆաքս»-ը:
Հայաստանում դեկտեմբերի 9-ի դրությամբ հաստատվել է կորոնավիրուսային հիվանդության ընդհանուր 144066 դեպք, որոնցից 120532-ն` առողջացած: Այս մասին նշված է ՀՀ ԱՆ հիվանդությունների վերահսկման և կանխարգելման ազգային կենտրոնի կայքում:
Կորոնավիրուսային հիվանդությամբ այս պահին փաստացի բուժում է ստանում 20540 բուժառու: Վերջին 24 ժամում արվել է 3306 թեստավորում, իսկ ընդհանուր առմամբ` 535833 թեստավորում: Այսպիսով` կա կորոնավիրուսային հիվանդությամբ հաստատված 1138 նոր դեպք և 1385 առողջացած։
Ընդհանուր առմամբ, կորոնավիրուսային հիվանդությունից արձանագրվել է մահվան 2393 (ավելացել է ևս 21-ով) դեպք: Արձանագրվել է նաև մահվան 4 դեպք, երբ բուժառուների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 601 է:
