Ռուս խաղաղապահները կազմակերպել են Լեռնային Ղարաբաղի խաղաղ բնակչության տարհանումը ամենավտանգավոր շրջաններից և բուժօգնություն ցուցաբերել տուժած քաղաքացիներին։ Այդ մասին ասվում է ՌԴ ՊՆ տեղեկագրում։
«Օրվա ընթացքում ռուսական խաղաղապահ զորախումբ է տեղափոխվել 469 մարդ, այդ թվում՝ 185 երեխա։ Հատուկ նշանակության բժշկական ջոկատի բուժաշխատողները օգնություն են ցուցաբերել 9 վիրավոր քաղաքացու, այդ թվում՝ 4 երեխայի»,- ասված է հաղորդագրության մեջ։
Ռուսական խաղաղապահ զորախմբի հրամանատարությունը Լեռնային Ղարաբաղում հակամարտող կողմերին կոչ է անում անհապաղ դադարեցնել կրակը, միջոցներ ձեռնարկել իրավիճակը դեէսկալացնելու և բանակցային գործընթացը շարունակելու համար։ Այդ մասին ասվում է ՌԴ ՊՆ տեղեկագրում։
Նշվում է, որ սեպտեմբերի 19-ին ժամը 12:00-ից ռուսական խաղաղապահ զորախումբը շփման գծի ողջ երկայնքով արձանագրել է ադրբեջանական կողմից հրադադարի խախտման բազմաթիվ փաստեր։
