Ռուսական խաղաղապահ զորախմբի զինծառայողներն ապահովել են ավելի քան 200 ուխտավորների անվտանգությունը Արցախի սահմանազատման գծի մոտ գտնվող Ամարասի վանական համալիր այցելելիս:
Այդ մասին հաղորդագրություն է տարածել ՌԴ ՊՆ-ն:
«Խնդիրն է դրված ուխտագնացներին ուղեկցել Ամարասի վանական համալիր: Այս համալիրը գտնվում է սահմանազատման գծի մոտ, ուստի անհրաժեշտ է ռուսական խաղաղապահ զորախմբի ներկայությունը»,-ասել է ռուս խաղաղապահների ներկայացուցիչ Դանիիլ Նիկիտինը:
Հաղորդագրության մեջ ասվում է, որ խաղաղապահներն ուղեկցել են Ստեփանակերտից Մարտունու շրջան ժամանած ուխտավորներին, որոնք ներկա են գտնվել Հայ առաքելական եկեղեցու վանքում մատուցված պատարագին:
