Արցախում ռուս խաղաղապահները օգնել են գտնել և վերադարձնել Ադրբեջանում գերեվարված Արցախի երկու բնակչի: Տեղեկությունը «Լուրերի» հետ զրույցում հաստատել են Հայաստանի փոխվարչապետ, գերիների, պատանդների և անհետ կորած անձանց հարցերով միջգերատեսչական հանձնաժողովի ղեկավար Տիգրան Ավինյանի գրասենյակից:
Նոյեմբերի 30-ին տեղեկություն էր ստացվել Ասկերանի Խրամորթ գյուղի երկու բնակչի անհետացման մասին: Ռուս խաղաղապահ զորքերի հրամանատար Ռուստամ Մուրադովի ջանքերով նրանք վերադարձվել են հայկական կողմին:
Լեռնային Ղարաբաղում տեղակայված ռուս խաղաղապահ ուժերի հրամանատար Ռուստամ Մուրադովի վարած բանակցությունների արդյունքում հնարավոր է դարձել Ադրբեջանից վերադարձնել գերեվարված երկու քաղաքացիական անձի։ Այս մասին հայտնում էր ռուս խաղաղապահների ռուսական խաղաղապահ ուժերի տելեգրամ ալիքը:
Հաղորդագրության մեջ նշված է նաև, որ Լեռնային Ղարաբաղում ռուս խաղաղապահների տեղակայումից հետո կազմակերպվել են Հայաստանի, Լեռնային Ղարաբաղի և Ադրբեջանի անհետ կորած խաղաղ բնակիչների և զինծառայողների որոնման և փոխանակման աշխատանքներ: Այդ խնդրի լուծումը գտնվում է հրամանատար, գեներալ-լեյտենանտ Ռուստամ Մուրադովի անմիջական վերահսկողության տակ: