Կապան համայնքի ղեկավար Գևորգ Փարսյանը ընդունել է ՄԱԿ-ի Փախստականների գործակալության գործառնությունների գծով ավագ ղեկավար Ալմազ Բուրկուտովին և արտաքին կապերի համակարգող Անահիտ Հայրապետյանին։
Հանդիպման ընթացքում կողմերը քննարկել են Արցախից տեղահանված և համայնքում հյուրընկալված ընտանիքների խնդիրներն ու ներկա իրավիճակը։ Մտքեր են փոխանակվել նաև աջակցության և համայնքի կարողությունների հզորացման տարբեր ուղղությունների ու առաջնային բնագավառների շուրջ։
Զրուցակիցներն ընդգծել են նաև կողմերի միջև շարունակական արդյունավետ համագործակցության կարևորությունը՝ Կապանում ընթացիկ և ապագա ծրագրերի իրականացման գործում:
