Արցախի Հանրապետության Ասկերանի շրջանի Հարավ և հարակից համայնքների մոտ տեղակայված հայկական դիրքերի ուղղությամբ հակառակորդի կողմից կրակ բացելու մասին սոցիալական ցանցերում տարածվող լուրերն իրականությանը չեն համապատասխանում։ Այս մասին հոկտեմբերի 15-ին «Արցախպրես»֊ի հարցմանն ի պատասխան ասաց ԱՀ ՊԲ մամուլի ծառայության պետ Սուրեն Սարումյանը։ «Իրավիճակը կայուն է , շփման գծի նշված հատվածում որևէ միջադեպ չի գրանցվել»,֊ նշել է ՊԲ խոսնակը։
Նշենք, որ ավելի վաղ հայտարարություն էր տարածել նաև Արցախի պաշտպանության բանակը, այն մասին, որ Սոցիալական ցանցերում տարածվող տեղեկությունները, որոնց համաձայն՝ իբր գնդակոծվում են Արցախի Հարավ գյուղին հարակից դիրքերը և իրադրությունն անհանգիստ է, չեն համապատասխանում իրականությանը:
