Խաղաղապահ ուժերի ռուսական զորակազմի կողմից Լեռնային Ղարաբաղի տարածքում ընթանում է իրադրության շուրջօրյա մոնիթորինգ: Հրադադարը պահպանվում է շփման գծի ողջ երկայնքով: Խաղաղապահ ուժերի ինժեներական ստորաբաժանումների կողմից շարունակվում է դիտակետերի ամրաշինական աշխատանքները՝ գաբիոնների, անցակետերի եւ տրանսպորտային վերահսկողության սարքավորումների տեղադրմամբ:
Օբյեկտիվ տվյալներ ստանալու համար բոլոր դիտակետերում աշխատում են տեսահեռարձակման շարժական համալիրներ եւ ЗВКС Կոմպլեկտներ: Լաչինի միջանցքի շրջաններում, Տեղ եւ Մարդակերտ բնակավայրերում իրադրությունը նույնպես վերահսկվում է "Օռլան-10" անօդաչու թռչող սարքերի օգնությամբ: Ռուս խաղաղապահների կողմից ապահովվում է քաղաքացիների անվտանգ վերադարձը իրենց մշտական բնակության վայրեր, ցուցաբերվում է մարդասիրական օգնություն, վերականգնվում են քաղաքացիական եւ ինժեներական ենթակառուցվածքների օբյեկտները:
Հայաստանի տարածքից շարունակում են Լեռնային Ղարաբաղ վերադառնալ խաղաղ բնակիչները։ Մեկ օրում նախկին բնակության վայր է վերադարձել ևս 1479 մարդ։ Խաղաղապահ գործողության ընթացքում ապահովվել է արդեն ավելի քան 28 հազար արցախցիների անվտանգ վերադարձը:
Ռուսաստանի խաղաղապահ ուժերի զինծառայողները շարունակում են Լեռնային Ղարաբաղի շրջաններում պայթյունավտանգ իրերի հայտնաբերումն ու մաքրումը: Մեկ օրում մաքրվել է ավելի քան վեց հեկտար տարածք, երկու կիլոմետր ճանապարհ, հայտնաբերվել եւ ոչնչացվել է 18 պայթուցիկ առարկա: Ընդհանուր առմամբ, Լեռնային Ղարաբաղի ինժեներական ստորաբաժանումների կողմից ականազերծվել է ավելի քան 45 հեկտար տարածք, ավելի քան 14 կմ ճանապարհ, հայտնաբերվել եւ վնասազերծվել է ավելի քան 1120 պայթուցիկ առարկա:
Ռուս խաղաղապահների աջակցությամբ մարտական գործողությունների հետեւանքով տուժած շրջաններում շարունակվում է կենսական նշանակության ինժեներական հաղորդակցությունների (կոմունիկացիաների) վերականգնումը: Մեկ օրում վերականգնվել է ավելի քան 2000 մետր էլեկտրահաղորդման գիծ, էլեկտրահաղորդման գծի յոթ հենարան, 1 600 մետր գազատար, 1 200 մետր կապի գիծ և մեկ տրանսֆորմատորային ենթակայան:
Խանաբադ բնակավայրում Ռուսաստանի Պաշտպանության նախարարության զինվորական հոսպիտալի արտագնա բրիգադի կողմից անցկացվել են խորհրդակցություններ եւ մասնագիտացված բժշկական օգնություն է ցուցաբերվել 48 բնակչի, այդ թվում ՝ 12 երեխայի: Մարտակերտում շարունակվում են երկրորդ ռազմական հոսպիտալի տեղակայման աշխատանքները։
Ռուսաստանի Դաշնության խաղաղապահ ուժերի եւ Կարմիր խաչի միջազգային կոմիտեի համակարգմամբ իրականացվում է զոհվածների մարմինների որոնում եւ փոխանակում։