Ինչպես հայտնել ենք, Ստեփանակերտ-Բերձոր միջպետական ճանապարհը այսօր մի քանի ժամ երկկողմանի փակ է եղել: ԱՀ ներքին գործերի նախարարությունը միայն հայտնում էր, որ հայկական և ադրբեջանական կողմերի միջև միջադեպ է տեղի ունեցել՝ չմանրամասնելով եղելությունը: Հայկական Telegram ալիքները, ինչպես նաև տարբեր սոցիալական ցանցերի տասնյակ օգտատերեր գրում են, որ անձը տաքսիով մոտեցել է ադրբեջանական հենակետին և նռնակ է նետել ադրբեջանցիների ուղղությամբ, ինչին հաջորդել են կրակոցները՝ հայկական քաղաքացիական մեքենայի ուղղությամբ:
Ստորև՝ հրապարակվող տեսանյութներից մեկն է:
Տեսանյութում երևում է, որ նետված նռնակն իրականում անվտանգ է, ամենայն հավանականությամբ, ուսումնական: Դեպքից անմիջապես հետո մոտեցել են ռուս խաղաղապահները, նրանք ձերբակալել են արցախցի տղամարդուն: Միջադեպի մանրամասների մասին պաշտոնական տեղեկատվություն առայժմ չկա:
Այժմ արդեն ճանապարհը բաց է: Ազատ ու անվտանգ երթևեկը կապահովի ռուսական խաղաղապահ զորակազմը: