Պաշտոնական այցով Ֆրանսիայում գտնվող ԱՀ ԱԺ նախագահ Արթուր Թովմասյանը և ԱՀ տարածքային կառավարման և ենթակառուցվածքների նախարար Հայկ Խանումյանը հանդիպումները սկսել են երկրի հարավից։
Այս մասին «Արցախպրես» -ին տեղեկացրեց նախարար Հ. Խանումյանը։ Նա մանրամասնեց` նոյեմբերի 16֊ին Արցախի պատվիրակությանն ընդունեց Բուշ֊դյու֊Ռոնի նահանգապետ, էքս֊Մարսել֊Պրովանս մետրոպոլի նախագահ տիկին Մարտին Վասալը։ Հանդիպման ընթացքում քննարկվեցին Ֆրանսիայի և Արցախի միջև ապակենտրոնացված համագործակցության զարգացման հեռանկարները։
